كلمات اغنية دنيا اية حسن الاسمر

دنيا ايه
دنيا ايه اللى بتجرحنا
ده احنا اللى بنجرح نفسينا
يبقى معانا اللى يفرحنا
وندور على اللى يبكينا
عمر الدنيا ما جرحت حد
اسألوا اى دموع على الخد
ده احنا بنقطف شجر الورد
وبنزرع شوكنا بايدينا
مين مين
مين اللى ضيع راحة البال
مين اللى ظلمة يهد جبال
وعذابه ما بعده عذاب
مين اللى صبح وظهر وليل
مش همة لا عذاب ولا ويل
ولا عامل للدنيا حساب
مين اللى قاد بايديه النار
مين اللى خلى البحر مرار
مين اللى جاب بحر العذاب
جنب الحنان وقاله صب
مين ياابا مين
مين اللى خلى الصبر يتوب
وبيحلف بحياه ايوب
واتعجب على الايام
مين اللى خلى الغالي رخيض
وادى الفرصة لكل خسيس
يزرع شوك ودموع والام
مين اللى سرق الحب وباعه
وبغدره اتسبب فى ضياعه
مين اللى دار ورجع محتار
وبيتمنى لحظة حب
مين ياابا مين
مين اللى هانت روحه عليه
وبيرميها للنار بايديه
ويقولك قسمة ومكتوب
مين اللى داوى الجرح بجرح
مين اللى بكى عيون الفرح
مين اللى كله غلط وعيوب
مين اللى خلى الدمع بحور
مين اللى بكره عليه الدور
مين اللى خان ومالوهش امان
مالوش حبيب ولا عاد له قلبي
عمر الدنيا ما جرحت حد
اسألوا اى دموع على الخد
ده احنا بنقطف شجر الورد
وبنزرع شوكنا بايدينا
دنيا ايه اللى بتجرحنا
ده احنا اللى بنجرح نفسينا
يبقى معانا اللى يفرحنا
وندور على اللى يبكينا
***************

جميله تسلمى يا قمر

صح بيبقى معانا الى يفرحنا وندور على يبكينا
حسن الاسمر ليه اغانى كتير حلوه حزينه ومعانيها جميله
وتسلم ايدك يا غزااااااااال

باقى كدة يا دبووووور
اوكى ميرسى ليك اوى
ههههههههههههههههههه
وثانكس لى مادو ولؤلؤة لمشاركتكم