مهم لكل شاب مصرى بيحب البلد دى وخايف عليها

مهم لكل شاب مصرى بيحب البلد دى وخايف عليها

انهارده على قناه المحور يا شباب

برنامج48ساعه كانوا مستضيفين ناشطه سياسيه من مصر

قالت انها تلقت تدريبات على ايدى اسرائليين ويهود فى امريكا فى واشنطن وفى قطر فى الدوحه التدريب كان عباره عن (ازاى تغير نظام بلدك).. ولكنها اكتشفت ان التدريب كان عباره عن ازاى تسقط نظام كامل



واشترك فيه فرد من كل حزب معارض فى مصر

وفى دول عربيه اخرى اتعرفوا عليهم عن طريق الانترنت وتواصلوا معاهم بالاتصال وبالفعل سافروا ليتدربوا على هذه الدوره مجانا فى امريكا

وقسموهم لمجموعات يسافروا فيها

وكانوا بياخدوا فى اليوم500 دولار وفى نهايه الدوره مبلغ بردوا مش متزكراه بالظبط

البنت دى كانت فى قمه الخوف والرعب على قناه المحور من اللى ممكن يحصلها بعد التصريحات دى وكانوا مغيرين صوتها ومش ظاهرين صورتها واضحه خوفا على سلامتها

انا فى البدايه مكنتش مصدقه لكن البنت دى قالت انها عندها مستندات وأدله هتجيبها معاها بكره على قناه المحور تدل على انها اتدربت بالفعل هناك والحاجات اللى كانوا بيدربوهم عليها فى واشنطن والدوحه بقطر

قالت خلال الحوار الحاجات اللى كانت بتدرب عليها .. طريقه اسقاط النظام

*اولا.. يشوفوا ايه المشكلات اللى موجوده فى البلد من فقر او فساد او بطاله ويعرفوا ازاى يستفزوا الشباب ويكبروا مشاكلهم دى عندهم ويثيروهم علشان يقوموا بمظاهره

ودى اول حاجه اتعلموها فى الدوره التدريبيه دى







*ثانيا:

انهم يقوموا بمظاهره شعبيه سلميه وكان بيقولولهم يركزوا على شباب الجامعات لانهم هما اللى هيقدروا يغيروا



*بالفعل ده اللى حصل عندنا قامت هذه المنظومه فى امريكا بدعم رئيس كل حزب من اتدرب عندها ب 50 الف دولار علشان يقدروا يعملوا المنشورات اللى تتوزع على الشباب ولكن المحاورين على القناه مكانوش مصدقين المبالغ دى واللى هى بتقولوا

قالت تقدروا تعملوا هكرز على ايملاتهم وتحددوا بالظبط التمويلات اللى كانت بتوصل ليهم بالفعل

وبعدين بتقول بدأنا نعمل 2 مليون منشور زى ما اتدربوا طبعا

بالفلوس اللى وصلت لهم دى

وتكون مستفزه وتحتوى على مشكلات الشباب ووزعوها بالفعل على شبابنا

طبعا الشباب عندنا استجاب للمنشورات دى لانها فعلا بتعبر عن مشكلاتنا وبدأو يتداولوا الاخبار عن طريق الاتصال بين بعضهم وعن طريق الفيس بوك وكلنا هنشارك فى المظاهره ومكناش نعرف اللى ورا كل ده



*ثالثا

الخطوه اللى بعد كده اللى اتدربوا عليها علشان تسقط النظام

هى (الاخلال بجهاز الامن ..الشرطه.. عن طريقه استفزازه وبالتالى هيستخدم معاكم طرق غير مشروعه وقتها تتدخل الدول الخارجيه وتطالب بحقوق الانسان وتتكلم عنكم)

وبالفعل بردوا ده بالظبط اللى حصل عندنا وكان مشارك فى الموضوع ده جهتين

1- وزير الداخليه : فى نقيب اتصل بالتليفزيون من مديريه امن القاهره ورفض ذكر اسمه قال ان الوزير نزل عدد قليل من الظباط والعساكر فى المظاهرات وتركهم لمده اربع ايام فى الشارع بدون اصدار اى اؤامر وكان بيوصل للريس ان كل شىء تمام وقال ان وزير الداخليه له يد فى مشكلات عديده واتهمه انه عميل

2- عناصر كانت موجوده فى وسط الشباب: حاولت تستفز رجال الشرطه اللى لو تفتكروا فى اول المظاهرات وقفوا مع الشباب وقالوا المظاهره سليمه يبقى احنا معاكم

استفزوا الناس دى اللى بقالها اربع ايام فى الشارع بعيد عن بيوتها متبهدله برمى الحجاره عليهم والتعدى عليهم

اى شخص مضغوط لو استفز فى هذا الوقت بيصدر منه سلوك غير مرغوب فيه وده اللى حصل

الشرطه بدأت هى كمان تدافع عن نفسها بالقنابل المثيره للدموع والموضوع تطور لاكثر من ذلك



*رابعا:

الخطوه الرابعه اللى اتدربوا عليها فى اسقاط النظام

انهم يسقطوا كل القوى السياسيه الموجوده فى البلد زى فض مجلش الشعب0البرلمان0 مجلس الشورى



وبالفعل ده اللى اتطلب وحصل عندنا فى مصر



*خامسا:

اخلال بالسلطه الحاكمه0الريس0

يهتفوا شعارت مهينه

يعملوا دميه فى الميداين ويعلقوها

صور مهين للريس وهكذا



*وبالفعل ده اللى اتنفذ عندنا



ده الكلام اللى هى قالته خلال الحوار بالظبط وسألوها طيب انتى ليه جيتى دلوقتى وضميرك صحى؟

قالت انها كانت ترغب مثل اى شاب فى تعديل هذه البلد وتحقيق مطالبهم وانها غيرت رأيها بعد البيان الاخير للريس وانه لبى كل مطالب الشباب وانه بالرغم من كل ذلك لم يتخلى عن البلد كما فعل رؤساء اخرون وانها غير راضيه عما يحدث فى البلد فى خراب وتدمير



واقرت البنت ان هذه المنظومه هى التى كانت ايضا وراء حرق كنيسه الاسكندريه وانها كانت بدايه المخطوطه التى تنفذ الان فى مصر وده كلام خطير جداااا





الكلام ده جاوب لنا على علامات استفاهم كتير

.حرق جميع اقسام الشرطه فى وقت واحد على جميع مستوى المحافظات

. حرق المحاكم والمصالح الحكوميه بطريقه منظمه وحرق مستندات معينه على الاخص فى جميع المحافظات

-هروب المساجين عن طريق جماعات منظمه فتحت الابواب لهم وقامت بقتل رجال الشرطه وكانوا يحلمون معهم ملابس مدينه لجميع السجناء ويطلبون منهم الخروج للخارج فلا توجد حكومه والذى كان يرفض الخروج كان يهددوه انهم سوف يفجرون المكان وهؤلاء الاشخاص كانوا ملثمين وهذا الكلام قيل على ألسنه المساجين واكتر من مسجون فى عده محافظات

- القبض على جنسيات مختلفه تخرب فى البلد وترهب الناس فى بيوتها تقول انها دخلت وتربت على طريق الحدود وتتدعى انها دخلت لزياره اقاربها .كيف؟ وكان بحوزتهم اسلحه وضبطوا وهم يخربون فى البلد

-التعدى على المستشفيات

مستشفى75

ومستشفى السرطان للاطفال وعايزين يسرقوا الاجهره اللى بينعالج بيها اطفالنا

وملاجىء الايتام اللى اتهجموا عليها



ياشباب اصحوا بلدنا مستهدفه البلد بتضيع كان فى بطاله كان فى فقر كان فى ظلم بس كان فى امان فى البلد مكنش حد يجرؤ من الدول الاوروبيه التدخل فى شئوننا بهذا الشكل

يا شباب اسرائيل حركت مدرعاتها على الحدود من تانى يوم فى المظاهرات

بالرغم من ان ده مرفوض فى معاهده السلام

استخدمونا اداه علشان يحققوا مصالحهم

خلونا نقوم بثوره ضد البلد ودخلوا هما خربوها وحرقوا البلد ووقعوا بين الشعب والحكومه كل ده بسبب ان فى بينا عناصر فاسده وخاينه مش بيحبوا البلد ولا عاملين على مصلحتها

يا شباب دلوقتى احنا طلبنا والريس استجاب نديله فرصه

المطالب دى مش هتتحقق فى يوم وليله ده تغيير فى النظام ككل

الريس فى كتير من المسؤولين خانوه وكانوا عملاء وانتوا عارفين الكلام ده كويس واستغلوا فتره مرضه

وخلاص هو قال مش هيرشح نفسه الدوره الجايه لا هو ولا ابنه جمال

الراجل ده كان ممكن بكل سهوله يمشى ويسيبنا ويريح دماغه ويروح اى بلد لكن الراجل ده شريف ومش عايز يسيب البلد كده وفى اخر خطابه قال انه اتولد عليها وهيموت من اجلها ولازم يسلمها للشخص اللى هييجى بعده امنه كما كانت افهموا الخطاب ده واسمعوه مره واتنين وتلاته حسوا كلام الراجل العظيم ده اللى خدم 30 سنه البلد فى الرياسه و30 سنه فى الجيش صاحب الضربه الجويه الاولى

يا جماعه على قد ما كان البلد فى سلبيات كان عندنا ايجابيات كتير مش واخدين بالنا منها كفايه اننا قعدنا تلاتين سنه فى سلام مدخلناش حرب ولا اتبهدلنا زى كتير من الدول العربيه مصر مستهدفه

ارجوكم احموها

ياشباب اللى موجودين دلوقتى فى ميدان التحرير دول بعد خطاب الريس مأجورين فى مصادر كتير بتأكد انهم بياخدوا وجبات وبياخددوا زجاجات مياه معدنيه وفلوس 100 يورو وبالدولار وبالمصرى

مين ليه مصلحه فى ان الناس دى تفضل مكانها معتصمه ويدوها فلوس ووجبات وخيم يباتوا فيها علشان البلد تفضل مولعه كده والدول الاوروبيه تتدخل فى شئون بلدنا

لازم نحافظ عليها احنا قمنا بمظاهره سلميه واتلبت رغباتنا

لازم نثبت للعالم اننا شعب متحضر اننا شعب واعى مش همجى

منسمحلهمش انهم يحققوا اطماعهم بانهم يستغلونا ويستغلوا ثورتنا

مصر فوق الجميع احنا دلوقتى مش بندافع عن شخص

احنا بندافع عن مصر عن كرامه البلد الريس ده كرمتنا من كرامته هما عايزين يهدوه لان هو رمز مصر عايزين يهدوا البلد العظيمه عايزين يخربوا بلد الامن والامان

واحنا مش هنسمح لهم بكده .. اصحوا يا شباب اقتصاد البلد خسر80 مليار وفى النازل/ المستشفيات عايزين تبرع بالدم مش لاقيين ادويه كافيه يعالجوا المرضى والمصابين/ فى ازمه فى العيش فى ازمه فى البنزين/ اهالينا مش هيلاقوا مرتبات على اول الشهر يصرفوا منها/ الناس اللى كانت بتشتغل باليوميه دلوقتى بقالها اكتر من اسبوع مش شغاله مش لاقيه تاكل حرام ده ولا حلال البلد بتضيع حرام اللى بيحصل ده

لازم ندافع عن بلدنا وارضنا من كل اللى بيتربصوا ليها

لازم نقف ايد واحده كلنا ونقول تحيا مصر

فوقوا بقى فوقوا يا شباب مصر قبل فوات الاوان وقبل ما ندخل فى مجاعه كمان كام يوم ويبقى حالنا من حال العراق ودول كتير عربيه اتفرق شملها بسبب الامريكان واليهود

احنا فى مخطط منظم صهيونى بيتنفذ فى بلدنا وللاسف عن طريق ولادها

حرااااااااااااااااااااااااااااام

ياريت بقا يصحو ويفوقو من اللى هما فية دة بلدنا هضيع مننا قولت اللى عايزينو واخدتو فرصتكو سيبوهم بقا يخدو فرصتهم ولو معملوش اللى قالو علية زى منزلتو قبل كدا انزلو تانى وتالت مبقاش صعب علينا وهم دلوقتى هيبعملو للشعب الف حساب
وربنا يهدينا وينصرنا