مشغولين عليك اغنية قديمة جميلة لمطربة تسمى (هيام هلال )

مشغولين عليك .. و حياة نور عينيك
الشوق فاض يا ناس .. مش قادرين خلاص
و اذا مرة شكينا تقول من ايه
بقى يعني ما انتاش عارف ليه
مشغولين عليك ..

عارفين إنك مسافر .. عارفين إنك بعيد
لكن ساعات الكلمة بتقرب البعيد
ماهو مش معقول تسيبنا .. للشوق اللي مدوبنا
نستنى يوماتي كلمة .. توصلنا من حبايبنا
و الاخر لما غلبنا .. بعتنا نقول تعبنا
يا حبيب الروح يا غالي .. اخبارك ايه طمنّا
مشغولين عليك ..

انا خايفة م الغربة .. تحلالك و تنسيك
تنسيك الحبايب اللي روحهم فيك
امانة يا طير يا مهاجر .. شد الرحال و سافر
واما تقابل حبيبي .. احكي له اللي بيجرالي
قول له الشمس مطفية .. و النجوم متدارية
حالفين ما ينورولي .. غير لو شافوك يا غالي
مشغولين عليك ..