رحبوا معايا بسادو على كرسى الاعتراف

بوسى
دا نورك انتى طبعا وعايز اقولك انا والله بشكر مادووو وسندريلا على انهم اصحاب فكرة انى اكون على الكرسى لان بجد المضوع ممتع فوق الوصف وبالنسبة للأسئلة اتفضلى اسئلى أنا تحت امرك ودا من دواعى سرورى طبعا

غزل
الله يسلمك ميرسى جدا على السؤال وليا الشرف طبعا بالمشاركة دى وانا متشكر جدا واوعدك هجاوب بكل صراحة ولو فى اى اسئلة تانية انا تحت امرك اتفضلى
بسم الله


1- بتحكم قلبك ولا عقلك فى الحب ؟
_جربت احكم قلبى بس وخسرت فقررت احكم الاتنين


2- بتحب بنت لكن مهرها عالى عليك اوى ومطالب اهلها مبالغ فيها وخياليه وهى كمان بتحب ياترا حتعمل ايه ؟
_والله انا شايف ان اجابة فى الحالة دى كله هيشك انى جايبها من الافلام بس هجاوبك بكل تلقائية الحياة ال احنا عايشنها دلوقتى فرضت علينا اننا فى الحالة دى ملناش اى خيار تانى غير اننا نحاول على اد ما نقدر نحسن من وضعنا المادى لغاية ما يبقا فى مستوى ال بنحبو ودا هيتتطلب من ال بنحبو يستنانا لان كلو دلوقتى بيبص للماديات

3- لو انت ماشى مع واحد صاحبك وعاكس بنت فى الشارع وفكرت ان انت الى عملت كدا واخدت كلام منها مالوش لازم ياترا حتعمل ايه مع العلم انها محترمه ومؤدبه جدا ؟
_هحاول اعتزر لها وافهما انى مش انا ال عملت كدا لو فضلت تقول كلام ومقتنعطش هسيبهاتقول ال عايزا وامشى


4 - لو قبلت صدفه البنت الى بتحبها ولقيت معاها حد ولد يعنى ياترا ايه اول رد فعل؟
_طبعا هتصدم بس مش هاروح اضربو لانى من اول لحظة هشوفها فى الموقف دا هتتمحى من حياتى ولا كأنى كنت اعرفها يعنى شيفت دليت

5 - كنت خارج انت وحببتك روحت مكان شيك اوى اوى وطلب عشاء فاجأه افتكرت ان انت نسيت فلوسك ياترا حتعمل ايه ؟
_والله انا بفكر فى موضوع الكريدت كارد بقالى فترة بس لو اتحطيت فى الموقف دا ومعيش كريدت هكلم حد من اصحابى يجيلى ويجيبلى معاه فلوس وابقا احاسبو بعدين

6 - اقرب اصدقائك الى مش بتخبى عليه حاجه كنت فى يوم ناوى تقله انك حبيت وتقوله مين هى فاجأك هو وقالك ان هو برضوا حب نفس البنت الى انت كنت حتقوله عليها ياترا ايه رد فعلك ؟
_هكتم

7 - عجبتك بنت وحبتها اوى وقررت انك تقولها انك بتحبها وجات اللحظه وقولتها انا بحبك ردت وقالت لك وبعـــــــــدين ياترا حتقولها ايه ؟
_ولا قابلين الصبر أحسن من الدين والستر احسن من الاتنين والحب كلمة من حرفين وانا بحبك بقالى سنتين ورسمتك فى بالى من شهر وجمعتين وحلمت بيكى وانا بتقلب ع الجنبين طبعا هتضحك وبعد كدا نكمل كلامنا بقا عادى لو مضحكتش يبقا دمها تقيل وانا اكتر حاجة بكرها فى الست ان يكون دمها تقيل هاسيبها وامشى

8 - كلمه بتعنى الفراق بالنسبه ليك كنت لازم تقولها لحببتك ياترا حتختار ايه ؟
_مش بايدى

9 - هل ممكن لو اتجوزت واحده بتحبها ممكن تجبرك انك تحب اكله انت مش بتحبها ؟
_ممكن لى لا

10 - حبيت على النت قبل كدا ؟
_مرة واحدة من ذمااااااااااااااااان

مادوووووو
وانا موافق اقع على اديك يا جميل

*جميل ذكرياتك وسيئها على حد سواء ..
أين مكآنها في صفحة ذاكرتك ..؟
_فى الوسط لا انساها ولا اجعلها هى كل حياتى فالحياة دوما تستمر وتكثر معها الذكريات ايه رأيك ف الجملتين دول جااااااااااامدين


مالون كل من الاتي في مخيلتك :

النسيان ..~ اسود
الأمل ..~ ابيض
الحب..~ كحلفى اقولك ايه الحب له اكتر من لون اقوللك اممممممممم احمر




* يقال ان الكتابه مجرد أحلام في الهواء ..مارأيك أنت ..؟
_لا اتفق فالكتابة تعبر عن امل فى المقام الاول وهى الخطوة الاولى فى الفعل


* لو كان الفرح بيدك ..لمن ستطوقه؟
_لكل من يبحثون عن الطريق الى السعادة


* أمنية ..عالقة بين الأمل واليأس تتمنى ان تتحقق
ماهي ..؟
_امانى كتير اوى يابو حميد بردو مفيش مساحة للسرد


] صفه الكل يصفك بهآ
_ طيب والله ماهو كلامى عشان محدش يفتكرنى بتلون

بيت شعر تعشقه
_لا كتير بصراحة مش عارف احدد

تشعر بآن قلمك لآ يطآوعك .. و الآفكآر تثير زوآبع في فكرك .. مآ هو الشئ
الذي يهدئ الموقف ..؟ بمعنى ( منفذ آخر للمشاعر .. غير الكتآبه )
_بكلم نفسى بجد والله بس مش هبل يعنى


هل آنت إنسآن إنفعآلي آم هآدئ آم رومآنسي
_للأسف انفعالى فى الغالب هادئ احيانا و رومانسى طبعا ولكن لا تلاحظ عليا الرومانسية


عندمآ تقبع في دآئرة النقد و يكون نقداً مجحفاً في حقك .. بمآذآ ترد
_يحاورنى السفيه ويزيد قبحا فأبا ان اكون له مجيبا يزيد سفاهة فأزيد حلما كاعود زاده الحتراق شيبا

ماذا تتمنى أن تحقق في حياتك العلمية والعملية ؟
_للأسف ال كنت بتمناه فى العلمية محققتوش بس العملية ان المعرض بتاعى انا واخويا يكبر ويبقا اكبر جاليرى فى مصر

هل عرف سادوو يوم الحب الحقيقي وماذا كانت نهايته ؟
_ايوة حصل وللأسف النهاية مكانتش حلوة بالنسبالى

إعتراف لأول مرة تقوله لأحد ؟
_فى المنتدى يعنى طب انا بدخن ايه رأيك صياعة

تختلف الأحلام بحسب المراحل العمرية ماذا كانت أحلامك فى ؟
طفولة__ انى اطلع مغنى كان صوتى حلو
مراهقة__ انى يكون عندى اكبر شركة استيراد وتصدير
شباب__ اتجوز بقا واستقر والمعرض يكبر و الجو دا
نضج___ هو احنا لسا نضجنا احنا هنضحك على بعض احنا لسا شباب




هل كنت طفل مشاغب في صغرك ؟
_يعنى مش اوى

ماهي ألوانك المفضلة ؟
_غوامق عامة و الافضل الاسود بعشق اللون دا


حكمة تؤمن بها ؟
_ضاقت فلما استحكمت حلقاتها فرجت وكنت اظنها لا تفرج



مطلوب منك إختيار 5 أعضاء والتحدث عنهم ؟
1_مادوو _صديق صدوق وخدوم وانسان على قدر كبير من الاحترام و العقلانية ودمو خفيف
2_مجرد حلم _صديق كريم و حبوب دمو زى العسل وزو عقلية متفتحة
3_اسأل مجرب _صديق خدوم ويستطيع تحمل مسئولية الاخرون
4_دبووووووووووور _ صديق صدوق حبوب طيب مثقف مخلص ودمو شربات
5_ميزو_ صديق يحيط به الغموض ويتميز بحضوره وقدرتو على لفت الانظار بسهولة

اجاباتاتك جميلة اوى يا احمد انا مش هسيب ليك اسئلة النهاردة

هتستريح منى شوية

مادووو
ربنا يخليك يا صاحبى انت أجمل طبعا

طبعا ياسادو انت مستريح من اسئلتى بقالك كام يوم
فخد جاوب على شويه الاسئله دى عوضا عن بقيت الايام

وده كوبايت نسكافيه ومعاه كيك عشان تركز وانت بتجاوب



1/ياترى ايه الاصعب..جرح الحبيب ولا جرح الصديق ؟
2/ايه اصعب احساس حسيته فى حياتك؟
3/يا ترى تقول لمين مفيش حد زيك
4/

5/هل الحب قرار ام احساس؟
6/لو جتلك فرصه ترجع بلزمن علشان تصلح حاجه فى ماضيك ؟ايه هيه الحاجه دى ؟
7/ايه اكتر حاجه بتفكر فيها الوقت الحالى ؟
8/ دلوقتى انت معاك تلات وردات
حمراء
بيضاء
صفراء
مين يستحق كل ورده منهم
9/أفضل مرحلة مريت فيها؟؟
10/شي او انسان تتمنى وجود فحياتك؟؟
11/شي او انسان تتمنى تمحيه من حياتكـ؟؟
12/بماذا أو كيف تنفس عن غضبكـ ـ حبكـ؟؟
13/آخر كلمة سمعتها اليوم؟؟
14/احساس تفتقد وجوده فحياتكـ؟؟
15/ مين الشخص اللي ممكن تعطيه ظهركـ وتسلم له كل أموركـ >>تثق فيه كثير؟؟
16/ماذا تنتظر من الآخرين في حياتكـ؟؟
17/ماذا ييعني لكـ الآتي في أكثر من 3 كلمات:
*الأمان :؟
*الحنان:؟
*الثقة في النفس:؟
*المال:؟
*الصداقة:؟
*المرأة:؟
18/ما مواصفات فتاة أحلامكـ >>بصراحة؟؟
19/كيف تتخيل نفسك بعد 10 سنوات ؟؟
20/ايه رايك فى الاولاد اللى بيلبسوا السلاسل و الحاجات دى يعنى ؟
21/ايه تعليقك على الاولاد اللى بتعاكس البنات ؟ و بصراحه انت بتعاكس او عاكست قبل كده
22/حط اسم العضو المناسب في المكان المناسب
عضو يعجبك طرحه للمواضيع :
عضو عصبي :

عضو ترتاح له :
عضو يعجبك رده :
عضو هادئ :
عضو تحس انه متابع لك :
عضو تتابع مواضيعه :
عضو عاجبك اسمه المستعار :
عضو تحس ان اسمه المستعار غريب :
عضو عايز تعرف معنى اسمه المستعار :
عضو تحس انه خفاش المنتدى (ردوده ليليه) :
عضو تحس انه غامض :
عضو تحس انا واضح :
عضو حزين :
عضو صعب التعامل معه :
عضو يحب الالعاب :
عضو حساس :
عضو صبور:
عضو يرفع الضغط :
عضو يثير أهتمامك :
عضو تتمني معرفة اسمه الحقيقي :
عضو تقول له الي الامام:
عضو نشيط جدا:
عضو منظم و مرتب :
عضو كوميدي :
عضوعايزتشوفه :
عضو يحب المفاجأت :
عضو ثقافتة جيدة :
عضو ملتزم :
عضو تهديه باقة ورد :
عضو فقدته وتتمنى رجعته للمنتدى :
عضو مفيد للمنتدى :
عضو يعجبك توقيعه :
عضو تقول له عد كما كنت :
عضو تعتذر له :
23/ماذا ستكتب لنا لتعبر عن حياتك التي عشتها الى الان في كلمات قليله ؟

24/لو خيروك بين حبيبك وبين اعز صديق فمن تختار ؟
25/من يسكن قلبك؟
26/هل تعتقد ان حظك سيئ؟
27/هل هزمك حزنك في يوما من الايام؟
28/اذا تم تعيينك ملكا لجميع البلاد العربيه فما اول قرار ستتخذه ؟
29/هل انت من لديهم رغبة حب التملك واذا تملك الشيء اصابه الملل منه ؟
30/ماذا تفعل اول شيء اذا ربحت مليون ؟

ده فنجان نسكافيه تانى عشان فات الاولني خلص

من أنتِ؟31/
32- باقة ورد لمن تهديها؟
33- باقة شوك لمن تهديها؟
34- أسوأ خبر سمعتيه؟
35- شخص لا ترفض له طلبا؟
36- من يطربك ؟
37- ما هي التجربة التي تتمنى تكرارها؟
38- من هو توأم روحك؟
39- ماهو أكثر شيء تخشية؟
40- ما الشيء الذي يشعرك بأكبرقدر من الإحراج؟

41- حمام زاجل استقر على نافذتك يحمل رسالة من مجهول ممن تتمنى أن تكون؟
42- جريمة تتمنى أرتكابها؟
43- قطعة فحم وجدار نظيف ماذا سترسم عليها،وماذا ستكتب تحت الصورة؟
44- شخص وعدك بشي مهم جدا ثم اخلف ماذا تقول له ؟
45-عندك اخوات ؟ انت الكبير ولا الصغيـر ؟
46-يا ريت تقول الحاجات دى بتمثل ليكـ ايه .... !

البـحر
♦

المطر
♦

وقت الغروب
♦

الصمـت
♦

السمـا
♦

الظلام
♦

أسـرتك
♦

طفولـتـك
♦
47-لو طلبنا منك تدينـا نسب كـام فى %؟
السـعاده..

الحزن..
48-عمرك وانت صغانون كذبت على والدك او والدتك وحسيت بتأنيب ضمير ؟
49- هل من الممكن ان تتزوج فتاة اكبر منك سنا؟
50/من اكثر شيء يجرحك؟؟
51/هل انت في علاقة حب /هل هى نصفك التاني

52/هل خسرت حب حياتك

53/هل تجد نفسك غبيا احيانا امام اصدقائك
54/مع من كان لك اول سوء تفاهم

55/من كان اول مرحب بك

56/انته شخص جد اوى فى حياتك(مش بتحب الهزار)؟؟؟

57/اية اكتر حاجة خليتك تفرح؟

58/اية اكتر حاجة خليتك تفرحمن جوه قلبلك لدرجه متتوصفش ابدا؟

59/من تكون الانثى التي تقف امامها ضعيفاً
60/عندما تكون معجبا بها .. ماهي طريقتك في الوصول الى قلبها !!
61/في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك !!
62/كم مرة تنازلت عن مبادئك من اجل انثى !!

63/ماهو الموقف الذي تضبط فيه نفسك متلبسا بالتناقض ؟

64/هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !! 65/لو كانت مديرتك امراة .. بماذا تهمس لها في كل صباح !!
66/هل خضت يوما حربا من اجل الوصول الى قلب انثى .. وهل ظفرت بقلبها !!

67/هل تبوح لزوجتك باخطائك .. وهل تغفر لك تلك الاخطاء !!
68/اكترماده كنت بتكرها؟
69/اكتر سؤال كنت بتكره من المدرس؟
اخر سؤال
70/ايه رايك فى الاسئله بتاعتى
كفايه عليك كده كنت عايزه احط كمان بس تعبت
يلا جاوب وربنا يكون فى عونك وبراحتك خالص انا مش مستعجله

سندريلا
ميرسى جدا على النسكافيه والكيك جم فى وقتهم اصلى كونت جعان
الحمدلله
نجاوب بقا بسم الله

/ياترى ايه الاصعب..جرح الحبيب ولا جرح الصديق ؟
_الصديق

2/ايه اصعب احساس حسيته فى حياتك؟
_الفراق

3/يا ترى تقول لمين مفيش حد زيك
_مش عارف مفيش فى دماغى حد معين



5/هل الحب قرار ام احساس؟
_احساس

/لو جتلك فرصه ترجع بلزمن علشان تصلح حاجه فى ماضيك ؟ايه هيه الحاجه دى ؟
_موضوع دراستى حاسس انى كنت اقدر أكمل لو كنت قويت نفسى شوية



7/ايه اكتر حاجه بتفكر فيها الوقت الحالى ؟
_المستقبل

8/ دلوقتى انت معاك تلات وردات
حمراء_لا يوجد بع ولا أزال فى انتظاره
بيضاء_أمى
صفراء_صديق صافى القلب

9/أفضل مرحلة مريت فيها؟؟
_الفترة الحالية باختلافها عن ما مضى

10/شي او انسان تتمنى وجود فحياتك؟؟
_الرسول عليه الصلاة والسلام قال خير متاع الدنيا الزوجة الصالحة وانا بتمنى دا


11/شي او انسان تتمنى تمحيه من حياتكـ؟؟
_مفييييييييش

12/بماذا أو كيف تنفس عن غضبكـ ـ حبكـ؟؟
_الغضب ساعات بعرف اسيطر عليه لحد معين بس لو فلتت منى بتقلب لشخص تانى خالص
_ الحب مش هعرف اوصف لانى مش بغيش قصة فى الوقت الحالى بصراحة فا مش هاكون صادق لو كتبت اى اجابة

13/آخر كلمة سمعتها اليوم؟؟
_تصبح على خير امى هى قالتهالى

14/احساس تفتقد وجوده فحياتكـ؟؟
_هو فى غيرو

15/ مين الشخص اللي ممكن تعطيه ظهركـ وتسلم له كل أموركـ >>تثق فيه كثير؟؟
_اخى ودا حاصل فعلا بما اننا شركا فى مشروع واحد مع انى لسا لحد دلوقتى بشتغل فى فن الحفر لسا موقفتش معه فى المعرض بباشر بس من وقت للتانى


16/ماذا تنتظر من الآخرين في حياتكـ؟؟
_الحب والبساطة فى التعامل لانى الحياة مش محتاجة تعقيد

17/ماذا ييعني لكـ الآتي في أكثر من 3 كلمات:

*الأمان :؟_النوم بدون قلق من مجهول
*الحنان:؟_الاحتواء الصادق
*الثقة في النفس:؟_احترام الذات مع الابتعاد عن الغرور
*المال:؟_وسيلة لتحقيق ما لا يحقق سوى به
*الصداقة:؟_ ص _صدق _د _دم واحد _ق_قلب واحد
*المرأة:؟_لا دا كلام كتير اوى وبأكتر من صيغة مفيش مساحة للسرد بس ممكن نلخص بكلمتين وجهى الاخر
18/ما مواصفات فتاة أحلامكـ >>بصراحة؟؟
بصراحة والله
_اولا تبقا زى بسيطة
_ثانيا تبقى حنونة
_ثالثا دمها خفيف
_عقلها ناضج
_ بصى امتر من صفة يعنى بس ال بدعى ربنا ان ميكونش دمها تقيل لان انا اكتر حاجة بكرها فى حياتى الست الرخمة يعنى لو صاحب رخم هيعدى لو اخ هيعدى لو اى حاجة بس يارب ما تبقى زوجة لحسن الحياة هتبقا صعبة اوى ساعتها (ست ودمها تقيل ييييييييييييااااااااااا)

19/كيف تتخيل نفسك بعد 10 سنوات ؟؟
_رجل متزوج رب اسرة ان شاء الله اسعلى فى حياتى على تحسين مستوايا لأوفر اكبر قدر من الرفاهية والحياة الكريمة لاسرتى

20/ايه رايك فى الاولاد اللى بيلبسوا السلاسل و الحاجات دى يعنى ؟
_بلاش مش عايز حد يفتكرنى قليل الادب عشان لو هجاوب ع السؤال دا هشتم شتايم كتير دى عالن بنت ستين تييييييييييييييت

21/ايه تعليقك على الاولاد اللى بتعاكس البنات ؟ و بصراحه انت بتعاكس او عاكست قبل كده
_مليش سوابق اوى فى موضوع المعاكسة دا يعنى ايام مكنا اطفال ومش اوى برضو لانى انا خجول بطبعى حتى لما كنت بحب اجرب كنت بخااااااااف وال بعاكسو مش عارف اقول ايه بصراحة اصل المشكلة ان فى بنات بتلبس لبس يلفت النظر اوى فا مش عارف احكم لكن ال يعاكس محترمة يبقا ابن ستين تتييييييييييييييييت

22/حط اسم العضو المناسب في المكان المناسب
عضو يعجبك طرحه للمواضيع :_من غير معاكسة والله ( انتى )
عضو عصبي : مش عارف

عضو ترتاح له : مجرد حلم
عضو يعجبك رده : بوسى
عضو هادئ : غزل
عضو تحس انه متابع لك : مادوووو
عضو تتابع مواضيعه : اكتر من واحد يعنى على سبيل المثال وليس الحصر مادو ودبووووووور ومجرد حلم وبكاء بلا دموع وسندريلا وبوسى و غزل ولؤلؤة المحيط واستاذ احمد الهاشمى وكتيير
عضو عاجبك اسمه المستعار : شهرزاد
عضو تحس ان اسمه المستعار غريب : بكاء بلا دموع
عضو عايز تعرف معنى اسمه المستعار : اكيد انتو ال عايزين تعرفو سادوو دى يعنى اييييييييه
عضو تحس انه خفاش المنتدى (ردوده ليليه) : أنا
عضو تحس انه غامض : the hunter
عضو تحس انا واضح : مادوووووووو
عضو حزين : مجرد حلم
عضو صعب التعامل معه : مش عارف
عضو يحب الالعاب : بكاء بلا دموع
عضو حساس : ميزو
عضو صبور: مش عارف
عضو يرفع الضغط : ____
عضو يثير أهتمامك : اكتر من حد يعنى زى ما قولنا قبل كد
عضو تتمني معرفة اسمه الحقيقي : عادى مش حد معين يعنى
عضو تقول له الي الامام: كل هواة الكتابة لان ابداع العضاء قسمى المميز
عضو نشيط جدا: انتى ومادوووووووو
عضو منظم و مرتب : كلو
عضو كوميدي : دبوووووووووووووووووووووووووور
عضوعايزتشوفه : كلكو
عضو يحب المفاجأت :_________
عضو ثقافتة جيدة :the hunter
عضو ملتزم :كلكو
عضو تهديه باقة ورد : سندريلا ومادوووو
عضو فقدته وتتمنى رجعته للمنتدى :______
عضو مفيد للمنتدى :سندريلا ومادووووووووو وجرد حلم ودبووووووووور وبوسى غزل ولؤلؤة واستاذ احمد الهاشمى وكتير اوى
عضو يعجبك توقيعه : غزل
عضو تقول له عد كما كنت________ :
عضو تعتذر له :اى حد زعلان منى فى حاجة

23/[size=21]ماذا ستكتب لنا لتعبر عن حياتك التي عشتها الى الان في كلمات قليله ؟

_حياة مليئة بما كنت اتمناه وما كنت اتمناه عشت فيها اجمل الحظات واتعسها عش مفارقتها وقيودها التى فرضت على وتحكمت فى سير حياتى ومصيرى عشت تنازلات قدمتها مجبرا لانه لا يوجد حل اخر عشت فراق ابى الذى كان يمثل ليا الكثير من المعانى الجميلة عشت حزن امى لفراق ابى مما تسبب فى الم لا يحتمل عشت اول فرحة بعد وفاة عشت تغيرات اجتماعية حدثت لى نتيجة اختلاف ما كان قبل والدى وما بعده وما استطعت اصلاحه ومالم استطع واسعى الى الاستقرار فأنا لا اريد من هذه الدنيا سوى انا أعيش حياة هادئة بسيطة ومستقرة ومبدئى السعادة فى الرضا

24/لو خيروك بين حبيبك وبين اعز صديق فمن تختار ؟
_ الصديق

25/من يسكن قلبك؟
_الخوف

26/هل تعتقد ان حظك سيئ؟
_كل ما يصيبنا الا ما كتب الله لنا

27/هل هزمك حزنك في يوما من الايام؟
_ للأسف ايوة انا من الناس ال مبتقدرش تتغلب على الاحزان

28/اذا تم تعيينك ملكا لجميع البلاد العربيه فما اول قرار ستتخذه ؟
_وحدة كل شئ عملة لغة لهجة سوق جيش كلو

29/هل انت من لديهم رغبة حب التملك واذا تملك الشيء اصابه الملل منه ؟
_لا والله مش بتفرق معايا

30/ماذا تفعل اول شيء اذا ربحت مليون ؟
_هطلع ذكاتهم وبعد كدا نظبط بقا كل حاجة

ميرسى ياسادو لردك على اسئلتى واجاباتك رائعه
بس كمل بقيت الاسئله عشان الكرسى هيتقفل يوم الثلاثاء بازن الله
عشان نجهز نفسنا لعضو جديد

سندريلا
قبل ما أجاوب على أخر أسئلة أحب اقول انى استمتعت جدا بتجربة الكرسى واحب اشكرك لتناى مرة انتى ومادووووو بما انكو أصحاب الفكرة متشكر جدا جدا جدا اه ومتشكر على النسكافيه كمان


من أنتِ؟31/
_السؤال دا صعب وأجابتو طويلة شوفى من غير ما ادعى اى صفات مش فيا او ابين نفسى بصورة مش صورتى هكتبلك بمنتهى الصراحة
انا انسان ابسط من البساطة اتعامل مع الخرين بشئ من الطيبة يجعلهم يعتقدون انى سازج ولكن هذه احد اسلحتى كى اظهر لكل منهم وجه الحقيقى امامى احمل من التناقض ما يخيف الناس ويقلقهم منى لدى طموحات عديدة ولكنى لا اريد من الحياة سوى الافضل لى فقط و واتحلى بالقناعة التى يعتقد الاخرون انها ضعف او كسل او اننى انسان غير طموح ولكنى استفدت منها الكثير فى حياتى أحلم بالحياة المستقرة الهادئة البسيطة فلا اريد ان اكون اغنى رجل فى العالم ولا اوسم شاب فى الكون ولا تكون زوجتى ملكة جمال الدنيا الرضا بما قسمه الله طريقى و منهلى عشت حياة اختلفت بى من مرحلة لاخرى ومن حالة لحاة مما زرع بيا التناقض فلقد عشت فترة كبيرة من حياتى منطوى مما عزلنى عن المتغيرات التى حدثت فى كل شئ حولى وعيوبى كثيرة ايضا كباقى البشر ومن منا خالى من العيوب منها ما اسعى فى اصلاحه ومنها ما لا اقدر عليه ربما لا اشعر به فى ذاتى ولكن يروه فيا الاخرون

32- باقة ورد لمن تهديها؟
_لحبيبة ابحث عنها

33- باقة شوك لمن تهديها؟
_لصديق لم يقدر اخلاصى وحب له و قابل ذلك بالغدر

34- أسوأ خبر سمعتيه؟
_بيحصل على الطرق العصابات ال فى اسكندرية وبورسعيد حاجة تزعل بجد ربنا يحفظ الاهالى من الظالمين

35- شخص لا ترفض له طلبا؟
_مفيش فى طلبات لازم تترفض حتى لو من اقرب الناس ليكى

36- من يطربك ؟
_من المطربين القدام عبد الحليم طبعا ام جيل دلوقت أحمد سعد

37- ما هي التجربة التي تتمنى تكرارها؟
_سفارى مع الحباب

38- من هو توأم روحك؟
_لسا مافابلتوش

39- ماهو أكثر شيء تخشية؟
_المجهول

40- ما الشيء الذي يشعرك بأكبرقدر من الإحراج؟
_الجنس الاخر مش عارف اتكلم مع الولاد ابقى ديك رومى بربنط واجى اكلم بنت ابقى خيييييبة


41- حمام زاجل استقر على نافذتك يحمل رسالة من مجهول ممن تتمنى أن تكون؟
_من من احبنى

42- جريمة تتمنى أرتكابها؟
_اعوز بالله ربنا يعافينا

43- قطعة فحم وجدار نظيف ماذا سترسم عليها،وماذا ستكتب تحت الصورة؟
_توقيعى بالانجليزى فاصل توقيع اخر ورمز ايدتين ماسكين فى بعض جامد
_وهكتب تحت سنظل سويا حتى النهاية وسنسطر بقلم واحد اول سطر فى الحكاية وادعو الله ان تكتب انت النهاية فان فارقتنى لن تستطيع ان تحمل القلم يدايا sado

خص وعدك بشي مهم جدا ثم اخلف ماذا تقول له ؟
_لماذا وعدتنى بما لا تستطيع وجعلتنى اثق برأيك حتى اصبحت مطيع
والان تأتى وتبرر خطأك الشنيع انك حق لشئ اقل من الوضيع


45-عندك اخوات ؟ انت الكبير ولا الصغيـر ؟
_عندى اخت واخ وانا أصغرهم

46-يا ريت تقول الحاجات دى بتمثل ليكـ ايه .... !


البـحر
♦_صفاء الروح والسكون وبالبلدى حبيبى لان انا متعتى فى القاعدة ع البحر

المطر
♦_كرم ورضا من الله على عباده

وقت الغروب
♦-من حالة الى حالة والدنيا شغالة

الصمـت
♦_منع الكلمات وبحر التفكير

السمـا
♦_روعة الخالق سبحانه وتعالى

الظلام
♦_خوف

أسـرتك
♦_ حياتى

طفولـتـك
♦_ احلى زكريات عشتها فى حياتى

47-لو طلبنا منك تدينـا نسب كـام فى %؟
السـعاده..____________60

الحزن.._________________40

-عمرك وانت صغانون كذبت على والدك او والدتك وحسيت بتأنيب ضمير ؟
_اه بصراحة حصلت معايا

49- هل من الممكن ان تتزوج فتاة اكبر منك سنا؟
_كلو بيرجع للنصيب و القلب وما يريد


50/من اكثر شيء يجرحك؟؟
_مقابلة الاخلاص بالغدر والانانية

51/هل انت في علاقة حب /هل هى نصفك التاني
_لا

هل خسرت حب حياتك
_انا مليش غير تجربة حب واحدة وكانت فى فترة مش عارف احكم عليها وكان ليها ظروف خاصة كدا فعشان كد مش حاسس انى خسرت

]هل تجد نفسك غبيا احيانا امام اصدقائك[/
_اتظاهر بهذا أحيانا لحكمة معينة

]مع من كان لك اول سوء تفاهم
_مش فاكر بصراحة

من كان اول مرحب بك
[/_مادووووووووو

56/[size=21]انته شخص جد اوى فى حياتك(مش بتحب الهزار)؟؟؟
_انا مرح بس كل حاجة وليها وقتها

5/اية اكتر حاجة خليتك تفرح؟
_جاوبنا قبل كد السؤال دا

58/اية اكتر حاجة خليتك تفرحمن جوه قلبلك لدرجه متتوصفش ابدا؟
________________________________________

59/[size=16]من تكون الانثى التي تقف امامها ضعيفاً [
/____________

60/[size=16]عندما تكون معجبا بها .. ماهي طريقتك في الوصول الى قلبها !!
_اتعامل معاها بطبيعتى عشان مبقاش مسطنع واحاول اكدب عليها وابان واحد تانى غيرى وبعد كدا هى تكتشف العكس يبقا حرااااااااااااااااام

61/في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك !!_هادعيلها ( ربنا يهنيكى ويبارك لك في طفلك)

62/كم مرة تنازلت عن مبادئك من اجل انثى !!
_ ولا مرة وياريت ما اجبرش على دا فى يوم

63/ماهو الموقف الذي تضبط فيه نفسك متلبسا بالتناقض ؟
_كتييييييييييييييييييييير

64/هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !!
_لا طبعا ولا تفرق معايا بجد والله مش انا الشخص دا طالما هجرت بدون اسباب ولا تقصير منى فى حاجة

65/لو كانت مديرتك امراة .. بماذا تهمس لها في كل صباح !!
_ هنمشى امورنا بقا


66/هل خضت يوما حربا من اجل الوصول الى قلب انثى .. وهل ظفرت بقلبها !!
_لا

67/هل تبوح لزوجتك باخطائك .. وهل تغفر لك تلك الاخطاء !!
_لسا مجوزتش بس ان شاء الله فى المستقبل هبوح ليه لا دا حقها انها تعرف كل حاجة عن شريك حياتها

68/اكترماده كنت بتكرها؟
_ الانجليزى كنت خايب فى اوى

69/اكتر سؤال كنت بتكره من المدرس؟
_ مش فاكر

اخر سؤال
70/ايه رايك فى الاسئله بتاعتى
_ والله من غير مجاملة لو قولت ممتاذة مش هبقا عطيها حق التعبير فى تعبير تانى احلى (أروع من الروعة) لا بجد الاسئلة منسقة ومحترمة و هادفة وموزونة ومتشكر لتالت مرة يا سندريلا وان شاء الله نقدم مواضيع تانية ةربنا يعنى متشكر جدا

لا شكر على واجب سادو
واحنا الى بنشكرك جدا باجاباتك على اسئلتنا وصراحتك فى ايجاباتك
اعضاءنا الكرام سيتم اقفال الكرسى غدا لمن يرغب فى تنزيل اسئله لسادو ينزل النهارده وهو هيبقى يجاوب عليهم
وبنشكرك مره تانيه سادو ويارب تكون كانت تجربه ظريفه من غير احراج

تم اغلاق الكرسى
وفى انتظار عضونا التالى