دردشة مع احبائى

السلام عليكم أحبائى اخوتى وأخواتى

بصراحة والله وحشتونى اوى وانا مكنتش بشارك فى المنتدى اليومين ال فاتو بشكل فعال لانى كنت بمر بظروف صعبة شوية لكن الحمد لله على كل شئ و حبيت اطمن عليكو وارجع اشارك فى مواضيع المنتدى سواء بطرح مواضيع او بمشاركة فى مواضيع شاركت فى بعض المواضيع وحبيت اكتب بس بصراحة مودى مكنش مساعد انى اكتب شعر

بس الموضوع وما فيه انى عايز اطمن عليكو وعلى اخباركو وعاملين ايه ويارب تكونو دايما بخير اقولكو والله لنا كاتب حاجة كدا ع الماشى يلا شوية ارتجال بعنوان الموضوع



حسيت فى لحظة انى عايز أتكلم

وأشكى همومى واقول ال جوايا

اهنى واطمن و أسأل وأسلم

لاجمل ناس عرفتهم على مر دنيايا

فى ناس بنقابلها ومنها بنتعلم

وناس وهى موجودة مبحسهاش معايا

فى عقول بتفكر عشان تعرف تتقدم

وفى ناس تاهت فى اوهام خفايا

لو حبيت فى يوم احكى واتكلم

لازم افكر كويس واكون على دراية

مع مين هتكلم عشان مرجعش اتندم

واستفيد من الحوار وارتاح من جوايا

مش شرط جاهل ولا شرط متعلم

المهم يكون فى كلامو شفايا

اذا كنت موجوع ولوحدى بتألم

وكترت حمولى وهمومى رازايا

يا اجمل صحاب عليكم بسلم

طول مانتو بخير انا يزيد هنايا







معلش بقا اتكتبت ع السريع انا والله ما دونتها فى كراستى ولا كنت ناوى اكتب شعر بس بطمن عليكو و بقولكو وحشتوووووووووووووووونى

تسلم ايدك ياسادو
واحنا كويسين وبخير ويارب تكون انت كمان كويس
ميرسى ليك
تحياتى

حلم عمرى
ميرسى جدا ع المشاركة واتمنى تكونى دايما بخير وصحة
لك أطيب تحياتى

غزل
متشكر جدا جدا على المشاركة وعلى الدعاء ربنا تقبل منك ويبعد عنا كلنا اى شر

حمدلله على السلامه كل دى غيبه
المهم انك تكون بالف خيير وربنا يبعد عنك كل شر وتكون باحسن حال يارب
وانت منورنا بجد وتسلم على كلماتك الجميله
والله مبدع بجد ورائع وموهوب كمان

لؤلؤة
الله يسلمك ربنا يخليكى يارب دا نورك طبعا
وبالنسبة للقصيدة دا طبعا من بعض ما عندكم انتى المبدعة بتاعتنا

جميله اوى تسلم ايدك ياسادو
واحنا كلنا كويسين وبالف خير

جميلة جدا يا سادو وبصراحة الاشعار اللى بتكتبها حلوة
تسلم ايدك

بتضحك على يا دبوووووووووووووور انا كش كاتب نكت

سندريلا
ربنا يحفظكم جميعا وتكونو دايما بخير

الاميرة نور
ليا الشرف بمشاركتك وأسعدنى مرورك ويارب أكون عند حسن ظنكم

جميلة جدا يا سادو تسلم الايادى

مش عارف اقولك اية بصراحة

ربنا يخليك يا صاحبى انت أجمل

جميله اووووووووى يا سادو يسلم قلمك المبدع
وسمسم هو عسل المنتدى بتاعنا بيحب الضحك ودة اكيد من جمال الكلام طبعا
يسلمووووووووووووووو مستنايه منك الاحلى ان شاء الله

بوسى
مش عارف ارد اقول ايه والله متشكر جدا جدا جدا ومرورك أسعدنى فوق الوصف