رحبوا معايا بسادو على كرسى الاعتراف

ان شاء الله تنورنا يا ابو حميد وهنستناك

سندريلا
مش عارف اقول ايه والله بس شكر جدا جدا جدا على الكلام الجميل دا وياريت أكون عند حسن ظنكم وعايز اشكر ادارة المنتدى لان بجد من ساعة اشتركى وانا كل يوم بكتشف فيه حاجة اجمل من اليوم ال قبله وليا الشرف بان اكون معاكم ومع كل اعضاء المنتدى الى اتشرفت جدا جدا بوجودى وسطهم وعلى فكرة انا قبل اشتراكى فى المنتدى كان عندى فضول رهيب للتجربة دى ولما تم اختيارى حاسس احساس غريب قلق على توتر على ____________________ مش عارف بس ربنا يستر

مادوووووو
دا نورك يا أجمل مادو فى الدنيا وان شاء الله هكون جاهز فى الميعاد وربنا يستر

اية يا عم هو انت رايح تحارب

لا يا عم بس المشكلة ان الواحد لازم يبقا صريح والصراحة ساعات بتئذى

السلامو عليكم نبدا بالاسئله التقليديه بطاقتك الشخصيه

جاوب يا سادو ومتخفش انشاء الله مش هيكون فى اسئله محرجه

ياجماعه الكرسى مفتوح عادى يعنى حطوا اسئله عادى وسادو هيخش يجاوب عليكم

1-هل تفضل أن تكون زوجتك المستقبليه امرأه عامله ؟؟ ام تفضل ان تكون ربة منزل؟؟
وايه الاسباب ؟؟


2- هل تفضل أن تشاركك زوجتك الرأي في امور حياتكما المختلفه وامور عملك ؟؟


5- هل تحكم على اي بنت بمجرد النظر الى لبسها؟؟


4-مانظرتك للبنت ذات الملابس الخارجة عن الادب...؟؟؟؟ وشو نصيحتك او كلمة تقولها للبنت اللي مو ملتزمة في لبسها ..؟؟

5_هل تتزوج من تحبها .. ام تحب من تتزوجها !! وايهما تراه اجمل ؟؟


8-ماهي الكلمة التي تربكك من الانثى؟؟


11- كم وحدة ممكن قلبك يحب ويا ترى بتأمن بالحب من اول نظرة ؟؟؟

13- هل انت غيور على من تحب ؟؟)

سندريلا
الاسم _أحمد فوزى سعد
السن _23 سنة
المهنة _فنى حفر اويما وتاجر موبليا
المؤهل _حاصل على ثانوية عامة والتحقت بمعهد الخدمة الاجتماعية وللاسف لم اسطتيع اكمال الدراسة لاسباب خاصة

سندريلا
-هل تفضل أن تكون زوجتك المستقبليه امرأه عامله ؟؟ ام تفضل ان تكون ربة منزل؟؟
وايه الاسباب ؟؟
ج_والله لحد دلوقتى الموضوع دا شاغلنى لان الاتنين لهم مميزاتهم وعيوبهم ولسا ملقتش اجابة

- هل تفضل أن تشاركك زوجتك الرأي في امور حياتكما المختلفه وامور عملك ؟؟
ج_اكيد طبعا لان هما سموه شريك الحياة للسبب دا لان دى مش حياتى لوحدى ولا حياتها لوحدها دى حياتنا ال لازم نكون متفقين على كل حاجة فيها

5- هل تحكم على اي بنت بمجرد النظر الى لبسها؟؟
أوفضل الاحتفاظ بالاجابة


4-مانظرتك للبنت ذات الملابس الخارجة عن الادب...؟؟؟؟ وشو نصيحتك او كلمة تقولها للبنت اللي مو ملتزمة في لبسها ..؟؟
ج_والله مش بحكم حكم صارم لان بشوف ان الذنب الاول جاى من الرقابة عليها سواء من امها او باباها وبعد كدا بدعيلها بالهداية اما النصيحة احب اقولها ان تاج المرأة عفتها مش شعرها زى ما بيقولو و احب افكرها ان ربنا سبحانه وتعالى لعن المتبرجات

5_هل تتزوج من تحبها .. ام تحب من تتزوجها !! وايهما تراه اجمل ؟؟
ج_والله انا شايف ان الاتنين احسن من بعض وبردو محتار ارد بس اقولك لو ربنا مش رايد ليا ان اعيش قصة حب قبل ما افكر فى الارتباط حختار شريكة حياتى بحكم صفاتها وطبعا هحبها والا مش هقدر اعيش معاها

8-ماهي الكلمة التي تربكك من الانثى؟؟
اوفضل الاحتفاظ بالاجابة

11- كم وحدة ممكن قلبك يحب ويا ترى بتأمن بالحب من اول نظرة ؟؟؟
ج_واحدة بس والحب من اول نظرة جربتو كتير بس راى انو نوع من انواع التسرع لان ساعات النتيجة بتجرحك

13- هل انت غيور على من تحب ؟؟)
جداااااااااااااااا

اسأل مجرب


-حلمك في الحياة؟
_اعيش حياتى ببساطة من غير تعقيد و لانى شايف ان الحياة ال احنا عايشنها مش صاعبة بس احنا بنصعبها على نفسنا

-أجمل سنوات مرت عليك؟
سنوات الدراسة الثانوية

-اجمل بلد زرتها ؟
_انا ملفتش كتير مش من صغرى بسافر بس احلى محافظة زرتها لانى مخرجتش برى مصر كانت اسكندرية

-من هو مثلك الاعلى ؟
_والدى الله يرحمه

-ماهي حكمتك بالحياة ؟
_السعادة فى الرضا

-ماالذي يحزنك ؟
_التجاهل من المقربين الى

-افضل شخصيه في رأيك ؟
_السادات

-رأيك بـ الصداقـه بيـن الجنسيـن؟
اوفضل الاحتفاظ بالاجابة

عضو نفسك تغير اسمه ... ؟
_بكاء بلا دموع يعنى اي يعنى بيبرأ ولا بيحسبن من جوا ولا ايه يعنى

ماهو رأيك بالحب ؟
_جميل ان لم يتسبب فى الالم والجروح

- صــف نفســـك بكلمتيـــن فقـــط..!
_انسان بسيط

آخـــر شخـــص تتـــذكــــره قبـــل أن تنـــــام؟!؟
_مش حد معين بحكم الاحداث ال بمر بيهل فى اليوم


-شخـــص لطــالما حـــلمـــت بــــه؟!؟
اوفضل الاحتفاظ بالاجابة

-دمـعـــه انـذرفــــت رغـمــاً عنـــك؟!؟
_عند وفاة والدى

-مـوقـــف صــدمــك ولــن تنســــاه؟!؟
أوفضل الاحتفاظ بالاجابة

-شـخــص تتمنــي الإنتقــام منـــه؟!؟
_لا أحد

شخــص غيــّر مجــري حياتـــك؟!؟
_صديق مقرب

-حلم لا تستطيـــع تحقيقه؟!؟
_القدرة على اسعاد جميع من حولى

-كلمة تود سماعها كل يوم؟!؟
أوفضل الاحتفاظ بالاجابة


أقرب صديق الى قلبك؟
_ممكن الاجابة تزعل بقية اصدفائى بس والله والله كل اصدقائى المقربين محبتهم فى قلبى ما تتوصفش بس لو هنقول اقرب اوى يعنى يبقا من غير زعل (محمد العراقى )

سادو معظم اجباتك افضل الاحتفاظ بالاجابه مينفعش ده كرسى اعتراف جاوب على كل سؤال وبسراحه

تعنيلك ايه الكلمات دي ؟

الصدق :

الحب :

الوفاء :

الصداقه :

[size=16]الحياه :

الخيانه :

اخر مرة حسيت فيها انك ضعيف كانت امتي؟؟؟

وليه حسيت الاحساس ده

حاولت انك توصل نفسك لقلب حد ؟؟؟؟ يعني انك تفوز بالشخص اللي قدامك وهو مش بيحبك؟؟؟؟؟

مين اقرب حد ليك ف المنتدي ؟؟؟؟؟؟؟

لما بتبقي مخنوق بتعمل ايه ؟؟؟؟؟

لو حبيت تحكي لحد مين اقرب حد ممكن تحكيله ؟؟؟؟؟

من وجهة نظرك ايه سلبيات المنتدي وايجابياته ؟؟؟؟؟؟

لو اقرب حد ليك خانك ايه هيكون رد فعلك معاه ؟؟

عضو جاد ؟
عضو مميز ؟
عضو دمه خفيف ؟
عضو محرج ؟
عضو شقي ؟
عضو شخصيته قوية ؟
عضو هام جدا ؟
عضو يتاثر به الاخرون ؟
عضو محبوب ؟
عضو نفسك يجى بعدك على الكرسى؟
عضو غامض ؟
عضو عصبي ؟
عضو مجامل ؟


هل شاركت فى المظاهرات او كان نفسك تشارك فيها ؟؟


شايف مصر ازاى فى المستقبل ؟

[/size]

سندريلا
انا أسف بس المشكلة انها مش مسألة صراحة بس سلعات بتبقا حاجات مجربتهاش


تعنيلك ايه الكلمات دي ؟

الصدق : _اساس التعامل مع الاخرين


الحب :_شعور لا يوصف


الوفاء :_أساس الحب

الصداقه :_اهم حاجة فى حياتى

الحياه :_ رحلة


الخيانه : نار


اخر مرة حسيت فيها انك ضعيف كانت امتي؟؟؟
_لما مكملتش دراستى بعد الثانوية

وليه حسيت الاحساس ده
لانى الظروف ال اطرتنى لانى مكملش على قد ما انها صعبة ومش بايدى بس لو كنت قويت نفسى شوية كنت هقد بس _الحمد لله على كل شئ


حاولت انك توصل نفسك لقلب حد ؟؟؟؟ يعني انك تفوز بالشخص اللي قدامك وهو مش بيحبك؟؟؟؟؟
_لأ عمرى ما عملتها


مين اقرب حد ليك ف المنتدي ؟؟؟؟؟؟؟
_مجرد حلم

لما بتبقي مخنوق بتعمل ايه ؟؟؟؟؟
_انا أكتر من طقوس فى الحالة دى يعنى ساعات اقعد على البحر لوحدى ساعات اختلى بنفسى وادمع ساعات اصلى ركعتين بس فى الغالب بفضض لحد قريب منى


لو حبيت تحكي لحد مين اقرب حد ممكن تحكيله ؟؟؟؟؟
_صديق وفى المستقبل شريكة حياتى


من وجهة نظرك ايه سلبيات المنتدي وايجابياته ؟؟؟؟؟؟
_ايجابيات المنتدى من غير مجاملة كتير جدا محتاجة مساحة كبيرة اوى عشان نؤلها بس السلبيات من وجهة نظرى انا حاجتين بس ان مفيش شات وتصميم الشكل بصراحة يعنى ممممممممممممم عايز يتغير لان الالوان قريبة من بعضها اوى مكررة والشكل يعنى محتاج تعديل

لو اقرب حد ليك خانك ايه هيكون رد فعلك معاه ؟؟
_اكيد همحيه من حياتى وعمرى ما هاسامحو


عضو جاد ؟
_مادووووووو


عضو مميز ؟
_مجرد حلم

عضو دمه خفيف ؟
_دبوووووووووور

عضو محرج ؟
_مش عارف لسى محدش حرجنى

عضو شقي ؟
_بكاء بلا دموع

عضو شخصيته قوية ؟
_بوسى

عضو هام جدا ؟
_ سندريلا

عضو يتاثر به الاخرون ؟
_استاذ أحمد الهاشمى

عضو محبوب ؟
_كلكو

عضو نفسك يجى بعدك على الكرسى؟
_محمد العراقى هو لى اشتراك فى المنتدى بس مش عارف اسمو ايه ونفسو يجرب التجربة دى

عضو غامض ؟
_مش عارف

عضو عصبي ؟
_مش عارف انا لسا جديد بصراحة معاملتش كل الاعضاء

عضو مجامل ؟
_لؤلؤة المحيط



هل شاركت فى المظاهرات او كان نفسك تشارك فيها ؟؟
_أخر مظاهرة يوم التنحى شوفتو مش بروح انا الا فى اللحظات الحاسمة الموضوع دا بجد على فكرة انا المظاهرة الوحيدة ال روحتها كانت يوم التنحى


شايف مصر ازاى فى المستقبل ؟
_متفائل ليها خير

مادووووووو


افضل لون
_الاسود

وافضل رقم وافضل برفان ؟
_8
_hugo xy

افضل مطرب وافضل مطربة ؟
_أحمد سعد _شرين



ما معني حياة ؟؟
_استقرار ورضا بما قدره وقسمه الله عز وجل ومشاعر صادقة مع الناس حب الخير للأخرين

هل انت طموح ؟
_أقولك على حاجة انا انسان دايما بسعى للتقدم وللاحسن بس من غير طمع

ما هى طموحاتك فى الحياه؟
_كتير مفيش مساحة للسرد يعنى



افضل فيلم عربي واجنبي ؟
_ألف مبروك _The.Pursuit.Of.Happyness

وافضل ممثل وممثلة عربي وافضل ممثل وممثلة اجنبي ؟؟؟
_أحمد حلمى _منى زكى _will smith _ بلاش نقول لحد يفهمنا غلط


ما هى صفاتك المميزة ..
_بص يا ابو حميد محدش يعرف يمدح نفسو انت ال تحكم عليا فى دى مش هقول ميزاتى

وايه فى عيوبك من وجهة نظرك ومن وجهة نظر الاخرين ؟
_دى بقا اقولهالك _من وجهة نظرى متسرع عاطفى زيادة عن اللزوم دايما بفرض حسن النية فى الاول مش سوء النية شكاك ويمكن تكون ثقتى فى نفسى ضعيفة بسبب انى بترعب من الغرور فبهرب من كدا بالتواضع المبالغ فيه ال الناس بتفتكرو عدم ثقة فى النفس



من هو مثلك الاعلى ومن هو قدوتك ؟؟
_والدى الله يرحمه



بالصيف بتحب تصيف فين ؟؟
_عادى مش بيفرق معايا الموضوع دا




اقرب ثلاث اعضاء ليك فى المنتدي ؟
_انت طبعا ومجرد حلم ودبوووووووووور




عضو جاد ؟_ لسا قايلين
, عضو مميز ؟_ــــــــــ
عضو دمه خفيف ؟_ــــــــــ
عضو محرج ؟_ـــــــــــ
عضو شقي ؟_ـــــــــــــــ
عضو شخصيته قوية ؟_ــــــــــــ
عضو هام جدا ؟_كل فريق الادارة والاعضاء الفعالة
عضو يتاثر به الاخرون ؟_ لسا قايلين
عضو محبوب ؟_ــــــــــــ
عضو غامض ؟_ـــــــــ
عضو عصبي ؟_ـــــــــــ
عضو مجامل ؟_ــــــــــ



هل شاركت فى المظاهرات او كان نفسك تشارك فيها ؟؟
_اخر يوم فى الثورة


شايف مصر ازاى فى المستقبل ؟
_متفائل ليها خير





هل ليك هواية معينة ؟
_كتير بس مش قوى يعنى مثلا كتابة شعر قراءة فى بعض الاحيان الغناء والتناقض بقا فى ايه وياريت محدش يفتكرنى عبييييييييييييط ان مع الهويات المهزبة المحترمة الهادية دى فى هواية غريبة تانية انى اعمل حركات بالموتوسيكل بتاعى الموضوع دا مبوخ صورتى قدام ناس كتير بس للاسف مش عارف ابطلو مع انى اكتر من مرة كنت هتأزا بسبب الشئ دا


هل انجرح من فتاة يوما ما ؟
_للأسف ايوة


موقف مضحك وقعت فيه ؟
_أيام المظاهرات اتزنقت فى حارة سد بالموتوسيكل واتحدف علي قنابل مسيلة للدموع بقيت لنا عارف اهرب ولا عارف اسوق ولا عارف اعمل اى حاجة غير انى واقف فى مكانى وبعيط وبعيط وبعيط اهئ اهئ اهئ هامووووووووووت


وموقف محرج بالنسبالك ؟
_لما اسلم على حد ناسى اسمو

من غير اسف سادو مفيش اى حاجه عادى خالص
اما بالنسبه لسلبيات المنتدى اوعدك اننا هنحاول نصلحها

سندريلا
متشكر جدا وانا فعلا مستمتع اوى بتجربة الكرسى مع انى خايف من صراحتى تهز صورتى قداو الاعضاء بس الموضوع ممتع فوق الوصف وانا جاهز لاى اسئلة تانية

بما انك جاهز دول شويه اسئله خوفيفين وصغنطتين


[size=18]
[size=21]1) برجك ؟ وهل تتباع الابراج ؟

2) آيه اللى بتحبه فى الدنيا ؟

3) آيه اللى بتكره فى الدنيا ؟

4) آيه اللى بيعصبك ؟ وليه ؟

5) بتحب تأكل آيه ؟ ومبتحبش آيه فى الاكل ؟

6) أشخاص كان لهم أثر فى حياتك و تود ذكرهم وترسل لهم رساله من هنا ، من هم ؟؟


7) هل تراجعت فى قرار آخذته من قبل ؟

هل ندمت على شىء فعلته من قبل ؟

9) سر من أسرارك تود البوح به علنا ؟

10) ما هو أصعب موقف مررت به فى حياتك ولم تقدر على نسيانه ؟

11) قسم تحبه وترتاحه ؟

12) عضو / عضوه تحبه وترتاحه ؟

13) عضو / عضوه نشط فى الردود ؟

14) عضو / عضوه نشط فى المواضيع ؟

15) عضو / عضوه مميز باخلاقه ؟

16) عضو / عضوه مميز بتصرفاته ؟

17) عضو / عضوه محتاج رساله شكر ؟

18 ) عضو / عضوه نفسك تعاتبه ؟

19) الكلمات دى عاوزاك توصفهالى بمين فى المنتدى

أخلاق ـ
حبوب ـ
مميز ـ
دمك خفيف ـ
رائع جداً

20) الجمل دى برضه عاوزاك توصفهالى بمين فى المنتدى

كله الا زعلك

أقتنع برأيك

خاف عليك

تقيل على قلبى

بتعلم منك

بستفيد منك


21) آيه رأيك فى تعدد الزوجات ؟ وليه ؟


22) صف لى الاتى بكلمتين وبس

الحب ـ
البحر ـ
العشق ـ
الرومانسيه ـ
النهار ـ
الليل ـ
الكدب ـ
الغش ـ
النفاق ـ
الخيانة

اية اكتر حاجة بتخوفك؟؟23(


لو فى اكل مش بتحبة اتعمل فى البيت هتاكل منة ولا هتقول مش واكلوهتغضب وتقوم من على الاكل؟؟24(

انت سريع الغضب؟؟25(

انت انسرقت قبل كدا؟؟26(

اكتر رياضة بتحبها؟؟27(

بتؤمن بالسحر؟؟28(

بتحب افلام الكرتون؟؟29(

لو غلطت فى حد وعرفت انك غلطان بتتاسف؟؟30(

اتنصب عليك قبل كدا؟؟31_(

لو لقيت فلوس وانت ماشى فى الشارع تعمل اية؟؟32(

هل ممكن تكره حياتك؟؟33(

امتى كنت فرحان جدا ؟؟34(

اكتر مكان بتكرهة؟؟35(

تغضب امتى لدرجة الجنون انك ممكن تضرب الشخص اللى ادامك؟؟36(

بتستسلم بسرعة؟؟37(

موقف حصل اتمنيت انة ما يحصلش؟؟38(

ايه اكتر سؤال محرج إتسالته فحياتك؟39(

تعني ايه ليك الكلمات دي40(

الغضب -
العاطفة -
العقلانية -
البراءة -
الحزن

ما هو افضل موضوع قرأته ؟41(



اجمل رد عجبك؟42(


اى الاعضاء تتمنى رؤيته فى الحقيقه &اكتر الاعضاء يحيطه الغموض من43( وجهة نظرك & تود ان تنصح احد الاعضاء نصيحه معينه ( من هو هذا العضو وما هى النصيحه ) .؟


العمر لا يقاس بالثوانى والدقائق والأيام والشهور والسنين44( .
بماذا تقيس عمرك؟
[size=16]هل انت دايما مواقفك ايجابيه ولا سلبى دائما ؟45(


ماذا يعنى المال بالنسبه اليك ؟وهل هو غايه ام وسيله ؟46(

هل بتثق فى الناس بسهوله ؟ وثقتك بالناس الى حد معين ام الى ابعد الحدود ؟47(

هل انت قوى الشخصية ؟ وهل شايف نفسك ذكى ؟48(
ماذا فعلت عندما سمعت ورايت الاساءة للنبى صلوات الله وسلامه عليه؟ هل نظرت ووقفت49( مكانك ام كان لديك موقفا ايجابيا ؟ وان كان نرجو ان تقصه ؟

تخيل معايه كده .... انك معدي من طريق مقطوع ( صحراوي ) وراكب عربيه فيها كرسيين بس50(

وعديت على راجل كبير في السن وست عجوزه وزوجتك ( مراتك ) واقفين في الشارع ده

هتعمل ايه ؟؟؟

كفايه كده انا عارفه ان هما قليلين بس المره الجايه انشاء الله هكترهم
هههههههههه

[/size][/size]
[/size]

سندريلا
كل دول قليلين اومال لو كانو كتار كانو هيبقو اد ايه ياللا بسم الله

برجك ؟
_ الجوزاء

وهل تتباع الابراج ؟
_يعنى حب استطلاع بس مش اكتر

2) آيه اللى بتحبه فى الدنيا ؟
_حاجات كتير مفيش مساحة للحصر حاجات كتير اوى

3) آيه اللى بتكره فى الدنيا ؟
_اكتر حاجة انى اتعامل مع حد ولاقيه بيعيش دور مش دوره يعنى بنى ادم مصطنع


4) آيه اللى بيعصبك ؟
_انى حد يعاملنى بتعالى بالبلدى يتنك عليا

وليه ؟
_لانى من وجهة نظرى مفيش اى حاجة تستاهل ان حد يتكبر على حد فى حاجة

5) بتحب تأكل آيه ؟
_انا بحب الاكل عامة يعنى مش هكدب بس ادمانى فى الكوكتيلات


ومبتحبش آيه فى الاكل ؟
_مش فاكر اصل انا الاكل مش بدقق فيه بس الحاجة الوحيدة ال برفض اكلها شوربة الارانب


6) أشخاص كان لهم أثر فى حياتك و تود ذكرهم وترسل لهم رساله من هنا ، من هم ؟؟
_اصدقاء _رسالة شكر


7) هل تراجعت فى قرار آخذته من قبل ؟
_اه بصراحة لانى لو قررت اعمل حاجة وشورت حد بثق فى رأيه او حد زو عقلية ناضجة اكبر منى سن مثلا ولاقى ان قرارى ممكن يسببلى مشاكل برجع فيه


هل ندمت على شىء فعلته من قبل ؟
_ايوة حصل


9) سر من أسرارك تود البوح به علنا ؟
_معلش بلاش انا أسف


10) ما هو أصعب موقف مررت به فى حياتك ولم تقدر على نسيانه ؟
_الاحداث ال حصلت فى البلد اليومين ال فاتو حصلى فيها مواقف كتير عمرى ما هنساها

11) قسم تحبه وترتاحه ؟
_ابداع الاعضاء


12) عضو / عضوه تحبه وترتاحه ؟
_كلكو بجد والله مش مجاملة


13) عضو / عضوه نشط فى الردود ؟
_سندريلا


14) عضو / عضوه نشط فى المواضيع ؟
_كتير مادو وغزل وانتى طبعا بكاء بلا دموع ودبور لؤلؤة المحيط ناس كتير


15) عضو / عضوه مميز باخلاقه ؟
_كل الاعضاء اخلاقهم عالية جدا


16) عضو / عضوه مميز بتصرفاته ؟
_لسا معاملتش حد معاملة مباشرة


17) عضو / عضوه محتاج رساله شكر ؟
_سندريلا ومادوووووووووو


18 ) عضو / عضوه نفسك تعاتبه ؟
_دبووووووووووووووووووووور مزعلنى جامد مش بيعبرنى خالص مع انى بحبو


19) الكلمات دى عاوزاك توصفهالى بمين فى المنتدى

أخلاق ـ مادووووووو
حبوب ـ بكاء بلا دموع
مميز ـمجرد حلم
دمك خفيف ـ دبووووووور
رائع جداً_ الكل

20) الجمل دى برضه عاوزاك توصفهالى بمين فى المنتدى

كله الا زعلك_ الكل
أقتنع برأيك_ مادووووو
خاف عليك_ ميزو
تقيل على قلبى_ مفيش حد
بتعلم منك_استاذ احمد الهاشمى
بستفيد منك_ــــــــــــــــ


21) آيه رأيك فى تعدد الزوجات ؟
_رافضو
وليه ؟
_واحدة بس تكفى عن نساء الدنيا

22) صف لى الاتى بكلمتين وبس

الحب ـ حالة غريبة
البحر ـ صفاء الروح
العشق ـ حب الاخر
الرومانسيه ـ احساس مرهف
النهار ـ حياة الانسان
الليل - سكون الروح
الكدب ـ ملوش رجلين
الغش ـ تعامل حقبر
النفاق ـ ضعف النفس
الخيانة- نار تحرق

اية اكتر حاجة بتخوفك؟؟
_انا بخاف من التسرع سببلى مشاكل كتير

لو فى اكل مش بتحبة اتعمل فى البيت هتاكل منة ولا هتقول مش واكلوهتغضب وتقوم من على الاكل؟؟
_لا هاكل يعنى جبر الخواطر حلو

انت سريع الغضب؟؟
_للأسف ايوة

انت انسرقت قبل كدا؟؟
_ لأ

اكتر رياضة بتحبها؟؟
_كونج فو

بتؤمن بالسحر؟
_لأ

بتحب افلام الكرتون؟؟
_كان زمان دلوقتى خلاص بقا


لو غلطت فى حد وعرفت انك غلطان بتتاسف؟؟
_أكيييييييييييد

اتنصب عليك قبل كدا؟؟
_مرة واحدة وجبت حقى بس بعدها بفترة

لو لقيت فلوس وانت ماشى فى الشارع تعمل اية؟؟
_والله لو الشارع فاضى يعنى لو على طريق سريع مثلا خلاص هاخدها لكن لو مكان فى ناس وحلات وكدا يعنى هديها لحد من المنطقة يشوف مين ال وقع منو فلوس

هل ممكن تكره حياتك؟؟
_لأ

امتى كنت فرحان جدا ؟؟
_لم اعمل حاجة تسعد غيرى مش بعيش الدور والله ولا نفسى ان الناس تفتكرنى ملاك بس بجد لو عملت حاجة حاسيت انها اسعدت ناس تانية فرحتى مبتتوصفش


اكتر مكان بتكرهة؟؟
_مستشفى الحميات

تغضب امتى لدرجة الجنون انك ممكن تضرب الشخص اللى ادامك؟؟
_لو زاد فى الشئ ال بيعصبنى وهو قاصد

بتستسلم بسرعة؟؟
_مش دايما

موقف حصل اتمنيت انة ما يحصلش؟؟
_بلاش دى

ايه اكتر سؤال محرج إتسالته فحياتك؟
_مش فاكر بصراحة لانى خجول بطبعى لدرجة وحشة اوى يعنى زى ماتقولو كدا ال بيكسف من خيالو


تعني ايه ليك الكلمات (

الغضب - حاجة بتتسبب فى كوارث
العاطفة - مش عارف اوصف
العقلانية - التفكير المنطقى
البراءة - الطيبة الزايدة
الحزن- ألم فى النفس اشد بكثير من كل الام الجسم

ما هو افضل موضوع قرأته ؟
_القصيدة ال رفعتها غزل اسمها انا مصرى عجبتنى اوى



اجمل رد عجبك؟
_ردود كتير والله مش هعرف احدد بس احسن اتنين بيكتبولى ردود على موضوعاتى انتى وبوسى


اى الاعضاء تتمنى رؤيته فى الحقيقه &
_______________

اكتر الاعضاء يحيطه الغموض
_the hunter

من43( وجهة نظرك & تود ان تنصح احد الاعضاء نصيحه معينه ( من هو هذا العضو وما هى النصيحه ) .؟
_بكاء بلا دموع ياريت تغير اسمك


العمر لا يقاس بالثوانى والدقائق والأيام والشهور والسنين44( .
بماذا تقيس عمرك؟
_بعدد اللحظات ال عشت افكر فيها فى ناس لا تستحق هذا


[هل انت دايما مواقفك ايجابيه ولا سلبى دائما ؟
_ساعات وساعات اقولك على حاجة مفيش انسان ايجابى مية فى المية ولا فى العكس بس فى حد ايجابياتو اكتر وفى العكس


ماذا يعنى المال بالنسبه اليك ؟وهل هو غايه ام وسيله ؟
_لا والله وسيلة ووسيلة لتحقيق ما لا يحقق سوى به فقط

هل بتثق فى الناس بسهوله ؟
_على حسب الانطباع الاول ومش دايما يعنى

وثقتك بالناس الى حد معين ام الى ابعد الحدود ؟
_كل واحد بالنسبة ليا له مقياس ثقة مش بيتعدا

هل انت قوى الشخصية ؟
_مقدرش احدد لانى استحالة حد هيقول على نفسو ان شخصيتة ضعيفة ال بيعاملونى هما ال يحكمو بس انا اقدر اقولك انا بقد أئثر فى ال حوليا

وهل شايف نفسك ذكى ؟
_ايوة بس مشكلتى انى مش سريع البديهة يعنى فى حاجات مش بفهمها بسرعة بس بفهمها مش غبى يعنى متخافوش

ماذا فعلت عندما سمعت ورايت الاساءة للنبى صلوات الله وسلامه عليه؟ هل نظرت ووقفت49( مكانك ام كان لديك موقفا ايجابيا ؟ وان كان نرجو ان تقصه ؟

_لا طبعا موقفتش واشتركت فى اكثر من حملة لمهاجمة الحقراء ال اساءو وكل ال قدرت عليه عملتو من غيرسلبية ولا تردد

تخيل معايه كده .... انك معدي من طريق مقطوع ( صحراوي ) وراكب عربيه فيها كرسيين بس50(

وعديت على راجل كبير في السن وست عجوزه وزوجتك ( مراتك ) واقفين في الشارع ده

هتعمل ايه ؟؟؟
_ ما بلاش بصو من غير زعل ولا احراج دلوقت انتو بتقولو مراتك يعنى مفيش كسوف هسوق وهقعد مراتى ولا بلاش اكمل لحد يفهمنى غلط الغى السؤال دا بلاش

منور يا سااااااااااااااااااادو الكرسى وكل اجابتك جميله ومتواضعه زى شخصيتك الواضحه لينا
اسئل ولا شكلهم هما قيميين بالواجب اووووووووووووووى معاك
وخاصه سندريلا وماااااااااااادو

ازيك سادو انا مبسوطة انى بتعرف ع شخصيتك انت بجد عضو مميز كتير مواضيعك مهمة
ممكن اسئل اسئلة بسيطة بعد اذنك
وارجو الاجابة بصراحة


]

1- بتحكم قلبك ولا عقلك فى الحب ؟
2- بتحب بنت لكن مهرها عالى عليك اوى ومطالب اهلها مبالغ فيها وخياليه وهى كمان بتحب ياترا حتعمل ايه ؟
3- لو انت ماشى مع واحد صاحبك وعاكس بنت فى الشارع وفكرت ان انت الى عملت كدا واخدت كلام منها مالوش لازم ياترا حتعمل ايه مع العلم انها محترمه ومؤدبه جدا ؟
4 - لو قبلت صدفه البنت الى بتحبها ولقيت معاها حد ولد يعنى ياترا ايه اول رد فعل؟
5 - كنت خارج انت وحببتك روحت مكان شيك اوى اوى وطلب عشاء فاجأه افتكرت ان انت نسيت فلوسك ياترا حتعمل ايه ؟
6 - اقرب اصدقائك الى مش بتخبى عليه حاجه كنت فى يوم ناوى تقله انك حبيت وتقوله مين هى فاجأك هو وقالك ان هو برضوا حب نفس البنت الى انت كنت حتقوله عليها ياترا ايه رد فعلك ؟
7 - عجبتك بنت وحبتها اوى وقررت انك تقولها انك بتحبها وجات اللحظه وقولتها انا بحبك ردت وقالت لك وبعـــــــــدين ياترا حتقولها ايه ؟
8 - كلمه بتعنى الفراق بالنسبه ليك كنت لازم تقولها لحببتك ياترا حتختار ايه ؟
9 - هل ممكن لو اتجوزت واحده بتحبها ممكن تجبرك انك تحب اكله انت مش بتحبها ؟
10 - حبيت على النت قبل كدا ؟

طبعا يا بوسى لازم نقوم بالواجب مش عضو جديد وقاعد على الكرسى
ومسيرك تجربيه وهنقوم معاكى بالواجب برده